ჩვენ არა მხოლოდ აპლიკაციებს ვქმნით — კომპანიების ყოველდღიურ პროცესებს ვაციფრულებთ. ეს გვერდი ერთ რეალურ დანერგვას აღწერს: საცალო ქსელი, რომლის ოპერაციები ბოლომდე ციფრულ სისტემებზე გადავიდა.
კლიენტი სახელით არ არის მითითებული. სისტემები რეალურია და დღეს მუშაობს.
ნაკადი
ყველა ხარჯი — შესყიდვის მოთხოვნიდან გადარიცხვამდე — ერთ გამჭვირვალე პროცესში გადის.
თანამშრომელი ქმნის შესყიდვის მოთხოვნას — ინვოისით, თანხით და გადარიცხვის სასურველი თარიღით.
სისტემა თავად აგებს დამტკიცების მარშრუტს — განყოფილების, თანხის ზღვრისა და ბრენდის მიხედვით. ვინ ამტკიცებს, აღარ არის შეკითხვა.
მოთხოვნა საფეხურ-საფეხურ მიდის ხელმძღვანელებიდან ბუღალტერიამდე. ყოველ საფეხურს რჩება ავტორი და დრო.
ბუღალტერია ხურავს ციკლს. თანხას რჩება ისტორია, პასუხისმგებელი და კვალი.
მანამდე
ეს ყველაფერი ექსელებში, მეილებსა და ზეპირ შეთანხმებებში ცხოვრობდა.
ახლა
ერთი ორენოვანი სისტემა, სადაც ყველა თანხას აქვს ისტორია, პასუხისმგებელი და კვალი.
ყოველი განყოფილება წინასწარ გეგმავს თვის ხარჯებს, კურატორები ამტკიცებენ, მოთხოვნები კი ამ დამტკიცებულ კოდებს ებმის. „გეგმა vs ფაქტი“ ყოველთვის ჩანს — თვის ბოლოს კი არა, ნებისმიერ დღეს.
ფინანსები ერთ ხედში ხედავენ, რა, როდის და რა ვალუტაში არის გადასახდელი — ლარის ეკვივალენტით, ეროვნული ბანკის კურსით.
ხელმძღვანელობის სარეპორტინგო ცენტრი, დაშენებული კომპანიის არსებულ სააღრიცხვო სისტემაზე.
მომხმარებელთა ბაზა, სეგმენტაცია და კამპანიები — ორი ბრენდისთვის ერთ სისტემაში.
პრემიების გამოთვლა მენეჯერების საკუთარი ფორმულებით — ცენტამდე სიზუსტით.
ოთახების დაჯავშნა კალენდრით — მცირე ხელსაწყო, რომელიც დღეში ათჯერ გამოიყენება.
მაღაზიაში დასადგმელი ეკრანი, რომელიც მომხმარებელს სუნამოს არჩევაში ეხმარება.
მაღაზიების კამერების ლაივ ნაკადები ბრაუზერიდან, ცალკე პროგრამის დაყენების გარეშე.
შვიდი სისტემა სხვადასხვა განყოფილებისთვის დაიწერა, მაგრამ ერთ წესებზე დგას.
მოგვწერეთ — დავიწყოთ იმით, რომ გავიგოთ როგორ მუშაობს დღეს.